Прыйшоў час падтрымаць прафсаюз РЭП!
Як мы паведамлялі раней, ,24 ліпеня адбыўся сход ініцыятыўнай групы. Удзельнікі абмеркавалі і прынялі Сумесную заяву грамадскіх аб'яднанняў, рухаў і ініцыятыў, устаноў, грамадзян Рэспублікі Беларусь у сувязі з рэпрэсіямі ў адносінах діжараў Прафсаюза работнікаў радыёэлектроннай прамысловасці.
Тэкст заявы:
СУМЕСНАЯ ЗАЯВА
грамадскіх аб’яднанняў, рухаў і ініцыятыў, устаноў,
грамадзян Рэспублікі Беларусь у сувязі з рэпрэсіямі ў адносінах
лідараў Прафсаюза работнікаў радыёэлектроннай прамысловасці
Улады Беларусі працягваюць наступленне на асноўныя грамадзянскій правы насельніцтва. Як вядома, у 2017 годзе была распачатая крымінальная справа па так званай “справе прафсаюза РЭП” – абвінавачванню лідэраў незалежнага Прафсаюза работнікаў радыёэлектроннай прамысловасці (РЭП) Генадзя Фядыніча і Ігара Комліка ў нявыплаце падаткаў за 2011 год. Нягледзячы на відавочную надуманасць абвінавачвання, справа перададзена ў суд, і на 30 ліпеня 2018 года прызначана першае судовае паседжанне.
У гэтай сувязі МЫ ЗАЯЎЛЯЕМ,
што крымінальны пераслед лідараў Прафсаюза РЭП Генадзя Фядыніча і Ігара Комліка мае відавочна палітычна матываваны характар, накіраваны на ліквідацыю незалежнага прафсаюзнага руху, неабгрунтаванае абмежаванне права грамадзян на свабоду асацыяцый, стварэнне прафсаюзаў і ўступленне ў іх для абароны сваіх інтарэсаў. Гэтыя дзеянні ў адносінах лідэраў Прафсаюза РЭП мы расцэньваем як помсту ўлады за іх ктыўныя і эфектыўныя дзеянні па абароне сацыяльна-эканамічных правоў грамадзян Рэспублікі Беларусь. Прафсаюз РЭП прынцыпова і паслядоўна падтрымлівае людзей пры парушэнні іх грамадзянскіх правоў, цвёрда стаіць на абароне працоўных. Скандальна вядомы “Дэкрэт аб тунеядцах” быў адменены дзякуючы магутнаму супраціўленню народа, і менавіта Прафсаюз РЭП узяў на сябе асноўную працу па абароне людзей, якія пацярпелі ад дзеянняў чынавенства.
Мы звяртаемся да грамадзян Беларусі і ў якасці адказу на пераслед улады мы аб’яўляем аб пачатку сумеснай кампаніі па прыцягненню ў Прафсаюз РЭП новых чальцоў. Мы заклікаем лідэраў і членаў грамадскіх аб’яднанняў і рухаў, ініцыятыў і ўстаноў, а таксама людзей працы ўступаць у Прафсаюз РЭП. Менавіта такія нашы сумесныя дзеянні стануць годным і эфектыўным адказам на рэпрэсіі ўлады ў адносінах незалежнага Прафсаюза РЭП.
Мы заклікаем міжнародныя прафсаюзныя і праваабарончыя арганізацыі надаць пільную ўвагу судоваму разбіральніцтву над Генадзем Фядынічам і Ігарам Комлікам, а таксама выказаць сваю пазіцыю ў адносінах неправамернага пераследу прафсаюзных актывістаў.
Прафсаюз РЭП дапамагаў нам, прыйшоў час падтрымаць Прафсаюз РЭП!
Адкажам на рэпрэсіі ўлады салідарнасцю і згуртаваннем грамадзянскай супольнасці!
На дадзены момант пацвердзілі сваё далучэнне да "Сумеснай заявы" наступныя арганізацыі:
УВАГА! Усе арганізацыі, рухі і ініцыятывы, усіх грамадзян, хто гатовы і жадае падтрымаць Прафсаюз РЭП у гэты няпросты для яго час заклікаем далучыцца да "Сумеснай заявы...", а грамадзян - уступаць у Прафсаюз РЭП.
Арганізацыі і фізічныя асобы, якія гатовыя далучыцца да "Сумеснай заявы...", могуць зрабіць гэта праз простую форму па спасылках:
Comments ()